lunedì 14 Ottobre, 2019 - 16:14:50
Home > La Voce > Locali > L'angolo di AMO – CA PI MMÈI LA PULÌTICA…

L'angolo di AMO – CA PI MMÈI LA PULÌTICA…

CA PI MMÈI LA PULÌTICA…

Dove si narra di dotti conversari 

Tantu, ccè dici ca tiempu tispunìbbuli no’nci nn’era ? E allora tiscussiòni sobbra tiscussiòni, mmienz’a’la chiazza. Ti ogni ggèniri.

Nc’è nnu pruvèrbiu, t’lu tiempu ti quandu a llu Culussèu li liùni si mangiàunu li crištiani, ca tici : jat’a ci teni nnu uwècchi ddo’ so’ ttutti cicati.

E cussì era mmienz’a’lla chiàzza: cinca sapìa mentri la firma si sintia forti ti nanzi a cci no’  ssapia scrìviri.

Ci unu, puèi, sapia leggiri e scriviri si sintia ddiu e patritèrnu.

A cquišti sintivi fari tiscursi ti palloni, ti corsi ti bbicicletti, ti pulìtica, ca mancu ci erunu li mèjiu proessòri.

Nna cumbrìšcula ti quišti nnù ggiurnu s’erunu mes’a discòrriri ti nnu fattu ca era succesu a lla Cumuni, e cuštù fuei nnu štuezzu ti tiscursu :

– Àtà vištu comu si mèntunu t’accordu frà ddi loru ? Si capisci c’ànnà sgajàtu ncuna cosa puru quiddi t’l’opposizziòni!

-Mma ccè vva’ ticendu! L’opposizzioni ije’ ffattu cuddu ca ije’ fattu pi nna quištiòni ti pulìtica.

-Comu ti pulìtica ?!

-E cca comu, pulìtica è bbašta

-Ci quešta pi ttei ije’ ppulìtica significa ca ti pulìtica tu no’ ccapisci propriu nienzi.

-A sì ? E vištu ca tu ti pulitica nni capisci motu, timmi cce ijèti la pulitica?!

-La pulìtica pi mmèi cunzišti in queštu: ca tu tici sini, ìu ticu noni, tu tici sini, iu ticu noni e mi và ffottu  ntr’a’ll’acquàru !

Commenta con Facebook

Notizie su Redazione

Redazione
La Voce di Maruggio nasce nel 2010 come supplemento de La Voce di Manduria, dal 17 luglio 2012 diventa testata giornalistica grazie ai propri investitori che credono in questo progetto. Giornale free press La Voce di Maruggio, tratta la cronaca, la politica e cultura e sport principalmente della Città di Maruggio.

Leggi anche

Fortezze e castelli di Puglia: Il Castello di Felline

 Il Castello di Felline venne edificato nel XII secolo dalla famiglia Bonsecolo, all’epoca Signori dell’attuale …

Lascia un commento

Questo sito usa Akismet per ridurre lo spam. Scopri come i tuoi dati vengono elaborati.